На схеме, прадстаўленай у праекце, пазначаныя межы ахоўнай зоны і падаецца пералік дзеяньняў, якія не дазваляюцца ў гэтым раёне. У прыватнасьці, гэта пабудова новых дамоў, высечка дрэў, будаўніцтва дадатковых транзытных транспартных камунікацый, зьмяненьне прыродных ляндшафту і рэльефу і іншае.
Праект зонаў аховы распрацаваны індывідуальным прадпрымальнікам Фэліксам Лейбінскім на заказ дзяржаўнай установы «Вушацкі раённы цэнтар забесьпячэньня дзейнасьці бюджэтных арганізацый».
Тэрыторыя гісторыка-культурнай каштоўнасьці вызначаная па межах мэтавага зямельнага ўчастку дзеля абслугоўваньня музэю-сядзібы Васіля Быкава.
Музэй-сядзіба Васіля Быкава працуе з 2004 году. На тэрыторыі сядзібы разьмешчаны хата, у якой прайшло дзяцінства Быкава, хлеў, гумно. Вакол хаты — дрэвы, пасаджаныя бацькам пісьменьніка.
Форум