Як паведамляе Міністэрства надзвычайных сытуацыяў Беларусі, ратаўнікі ліквідуюць наступствы непагадзі ў Менску і Менскай вобласьці.
МНС зафіксавала пяць выпадкаў падзеньня дрэваў у трох раёнах вобласьці: Дзяржынскім, Менскім і Салігорскім.
У Менску ратаўнікі 5 разоў выяжджалі расьпілоўваць дрэвы, якія ўпалі ў розных раёнах гораду. У Ждановічах дрэва ўпала на легкавы аўтамабіль і пашкодзіла яго.
Паводле МНС, пацярпелых людзей няма.
Шквалісты паўночна-заходні вецер прагназавалі ў многіх раёнах Беларусі днём 29 чэрвеня. Паводле Белгідрамэту, яго парывы маглі дасягаць 15–20 мэтраў за сэкунду.
Сыноптыкі працягнулі аранжавы ўзровень небясьпекі на панядзелак. Раніцай і днём 30 чэрвеня ў многіх раёнах Беларусі чакаецца ўзмацненьне заходняга, паўночна-заходняга ветру парывамі 15–20 мэтраў за сэкунду.