У вырабленых у Івацэвічах спэцыях знайшлі кішачную палачку і цьвіль

Як паведамляецца пра выяўленыя парушэньні на сайце Дзяржстандарту, прадукцыя не адпавядае стандартам мікрабіялягічных паказьнікаў бясьпекі. Колькасьць цьвілі перавысіла дапушчальны ўзровень у 10 разоў.

Таксама былі выяўлены бактэрыі групы кішачнай палачкі (каліформы) у 0,01 г прадукту і сульфітрэдукцыйныя клястрыдыі ў 0,01 г прадукту, што не дапускаецца стандартамі.

Дзяржстандарт забараніў рэалізацыю сухіх прыправаў «Сумесь беларуская», наказаў выправіць парушэньні.

ГЛЯДЗІЦЕ ТАКСАМА:

У Расеі знайшлі шкодныя элемэнты ў беларускіх малацэ і птушцы, у Беларусі — у расейскіх і кітайскіх слодычах